Пилотот кој се заби со авионот во највисоката зграда во Пекинг минатата недела е 66-годишен маж, а причината за инцидентот беше наведена како „лични причини“.
Според соопштението на властите, Лиу, роден во Пекинг, страдал од несоница и анксиозност. Се наведува дека пилотот отстапил од доделената област за време на соло лет и го изгубил контактот со аеродромот во приградскиот округ Пинггу.
Малиот авион се заби во кулата CITIC, највисоката зграда со 109 ката во Пекинг, минатиот петок, при што загина пилотот, единственото лице во авионот, а 13 лица беа повредени во облакодерот. Падот остави големи дупки на фасадата на зградата, кои оттогаш се поправени.
Во деновите по несреќата, кинеските власти не објавија речиси никакви информации за инцидентот.
Единственото официјално соопштение беше кратко соопштение од само околу шеесет зборови, додека снимките од несреќата и фотографиите беа брзо отстранети од кинескиот интернет./Извор:Makfax
