Кувајтската војска рано во среда соопшти дека нејзината воздушна одбрана пресретнува „непријателски ракетни и беспилотни напади“.
Генералштабот на војската во соопштението наведува дека сите експлозии што ги слушнале граѓаните се резултат на системите за воздушна одбрана. „Се повикуваат сите да се придржуваат до безбедносните упатства и упатствата за заштита издадени од надлежните органи“, се додава во соопштението.
Иако кувајтските власти не прецизираа од каде потекнуваат нападите, канал на Телеграм поврзан со Иранската исламска револуционерна гарда тврди дека, „според објавените снимки и извештаи што доаѓаат од Кувајт“, три ракети „успешно погодиле непријателски бази во Кувајт“. Во истиот пост, изјавите на Кувајт за пресретнување на нападите се наречени „смешни и апсурдни“ и „на исто ниво со вообичаените тврдења издадени од овие прокси и колаборационистички режими“./Извор:Makfax
ПОПУЛАРНО НА ИНТЕРНЕТ...
