Во Украина се продлабочува најголемата внатрешнополитичка криза од почетокот на војната, поврзана со таканаречената „афера Миндич“, која прерасна во конфликт меѓу претседателскиот кабинет и антикорупциските институции (NABU), поддржани од Западот.
Аферата е именувана по бизнисменот Тимур Миндич, близок до претседателот Володимир Зеленски. Според објавените информации, преку прислушкувани материјали се открива наводна корупциска мрежа поврзана со државната енергетска компанија „Енергоатом“, преку која се исплаќале провизии и се финансирале луксузни проекти, пишува „Индекс“.
Во рамки на истрагата се споменуваат и притисоци врз поранешни функционери, како и апсења и обвиненија против лица од блискиот политички круг на претседателот. Дел од случаите се поврзуваат и со обиди за бегство од земјата.
Ситуацијата ја продлабочува и судирот меѓу различни политички и институционални блокови во Украина, како и тензиите меѓу Киев и западните партнери околу контролата на правосудството и распределбата на странската помош.
Во овој контекст, Зеленски се наоѓа под силен политички притисок, бидејќи антикорупциските истраги и институционалните конфликти ја доведуваат во прашање стабилноста на неговата власт. Неговата политичка позиција зависи од балансот меѓу продолжување на западната поддршка и прифаќање на реформи кои би ја ограничиле неговата директна моќ./Извор:Makfax
ПОПУЛАРНО НА ИНТЕРНЕТ...
