На 24.05.2026 во Гевгелија, полициски службеници од СВР Струмица-ОВР Гевгелија лишија од слобода лице (21) од село Негорци, гевгелиско. Тој околу 03:30 часот на раскрсница од ул. „Маршал Тито“ и ул. „Ванчо Прке“ во Гевгелија управувајќи патничко возило „ауди“ со гевгелиски регистарски ознаки, учествувал во сообраќајна незгода, по што го напуштил местото на настанот.
Од страна на полициски службеници лицето и возилото се пронајдени и по извршеното алкотестирање е утврдено дека тој го управувал возилото под дејство на алкохол, односно имал 1.72 промили во крвта. Лицето е задржано во Полициската станица Гевгелија и за настанот е известен јавен обвинител од Основното јавно обвинителство Гевгелија, по чии насоки возилото е одземено. По документирање на случајот против приведениот ќе биде поднесена кривична пријава.
ПОПУЛАРНО НА ИНТЕРНЕТ...
