Според информациите што ги објави Press24, баритонот Ристе Велков од Македонската опера и балет бил возач на патничкото возило „БМВ“ кое учествуваше во тешката сообраќајна несреќа на скопската обиколница, во која животот го загубија четири лица.
Како што се наведува во објавата, меѓу загинатите е и неговиот 20-годишен син, како и две лица кои биле негови другари.
Трагичната несреќа се случи синоќа на скопската обиколница, а надлежните органи продолжуваат со утврдување на сите околности поврзани со случајот.
