Кинескиот лидер Ши Џинпинг го покрена чувствителното прашање за Тајван за време на разговорите со американскиот претседател Доналд Трамп, нарекувајќи го „најважното прашање“ во односите меѓу двете земји, објави кинеската државна новинска агенција Синхуа.
Според Ши, правилното справување со прашањето ја обезбедува стабилноста на односите меѓу Кина и САД.
„Сепак, ако не се справи правилно, двете земји би можеле да се судрат или дури и да дојдат во конфликт, што би ги ставило сите односи меѓу Кина и САД во многу опасна ситуација“, рече Ши, како што објави Синхуа./Извор:Makfax
