Во засилена акциска контрола на полицијата, во период од осум часа, санкционирани се 113 возачи на мотоцикли, мопеди, трицикли и четирицикли.
Најмногу – 45 санкции – биле изречени за возење без заштитна кацига, додека 17 лица управувале велосипед со помошен мотор без возачка потврда.
Дополнително, четворица возачи биле санкционирани за несоодветна категорија, а три мотоцикли биле нерегистрирани.
За време на контролата, еден мотоциклист бил приведен поради безобѕирно управување со возило, согласно член 297-а од Кривичниот законик.
Од МВР најавуваат дека сообраќајните контроли ќе продолжат и во наредните денови./Извор:Makfax
