Американската полиција реши 43 години стар случај на убиство и силување благодарение на криминалистички поткаст што помогнал да се откријат нови траги во истрагата.
Станува збор за убиството на 16-годишната Роксен Шарп, која била силувана и убиена во Луизијана во 1982 година, а случајот со децении останал нерешен.
По повторна анализа на старите докази со современа ДНК-технологија и нови информации добиени преку подкастот „Who Killed Roxanne?“, полицијата уапси четворица мажи осомничени за злосторството.
Од државната полиција на Луизијана соопштија дека апсењата се резултат на напредокот во истражните техники и соработката со јавноста.
Авторите на поткастот изјавија дека првично мислеле оти случајот е заборавен, но по емитувањето се јавиле бројни луѓе со корисни информации што помогнале во пробивот на истрагата./Извор:Makfax
ПОПУЛАРНО НА ИНТЕРНЕТ...
