Рускиот министер за надворешни работи Сергеј Лавров вчера му порача на својот ирански колега Абас Аракчи дека е клучно да се спречи какво било обновување на непријателствата на Блискиот Исток, нагласувајќи дека Русија е подготвена да помогне во постигнувањето договор.
„Лавров ја нагласи важноста од спречување на повторна појава на вооружен конфликт и уште еднаш ја потврди непоколебливата подготвеност на Русија да помогне во решавањето на кризата што нема воено решение“, соопшти руското Министерство за надворешни работи во врска со телефонскиот разговор меѓу двајцата дипломати.
Министерството додаде дека Аракчи го информирал Лавров за деталите од американско-иранските разговори одржани минатиот викенд во Пакистан, кои завршија без да се постигне решение./Извор:Makfax
