Иран и Оман планираат да наплаќаат транзитни такси за бродовите што минуваат низ Ормускиот теснец за време на двонеделното примирје, објави полуофицијалната иранска новинска агенција Тасним.
Собраните средства ќе бидат наменети за реконструкција, соопшти Тасним. Си-Ен-Ен контактираше со Министерството за надворешни работи на Оман за коментар.
Теснецот е практично затворен од почетокот на војната, а податоците за следење на бродовите покажуваат дека само околу 5% од нормалниот сообраќај поминува низ него. Некои танкери сè уште го поминуваат, а Пакистан и Индија преговараат со Иран за да им дозволат на дел од нивните бродови да поминат.
Се наведува дека Иран наводно наплаќал до 2 милиони долари по брод за поминување низ Ормускиот теснец. Не е јасно дали некоја бродска компанија всушност ја платила таксата.
Теснецот се наоѓа во територијалните води и на Оман и на Иран. Светот досега го сметаше за меѓународен воден пат и транзитни такси никогаш порано не биле наплаќани./Извор:Makfax
