Безбедносниот одбор на иранскиот парламент одобри нацрт-закон со кој ќе се воведе систем на патарини за премин низ Ормускиот теснец и ќе се предложи ограничување на пристапот за бродови поврзани со земји кои воведоа санкции врз Иран.
Предлогот ќе биде доставен до парламентот за дебата и гласање, изјави членот на комитетот Моџтаба Сари за новинската агенција ФАРС.
Ќе им се забрани минување на бродовите од ЕУ
Нацртот ќе им забрани на бродовите од САД, Израел и земјите кои воведоа санкции врз Иран во последните години да минуваат низ стратешкиот воден пат. Бродовите од Европската Унија, исто така, ќе бидат вклучени, според Сари.
Таксата ќе се наплаќа во националната валута на Иран, ријалот, објави ФАРС, во потег насочен кон зајакнување на валутата и заобиколување на санкциите на САД, а воедно и давање целосна контрола на земјата врз финансиските текови.
Понатамошна ескалација
Овој потег сигнализира понатамошна ескалација со Вашингтон.
Американскиот претседател Доналд Трамп побара Техеран целосно да го отвори теснецот, клучен пат за глобално снабдување со енергија, и се закани со драстични последици ако тоа не го стори./Извор:Makfax
ПОПУЛАРНО НА ИНТЕРНЕТ...
