Британското Министерство за одбрана вчера објави дека авиони на Кралските воздухопловни сили (RAF) успешно собориле неколку ирански беспилотни летала за време на операциите на Блискиот Исток. Во соопштението не се дадени дополнителни детали за операцијата, која се случила во „област со висока закана“.
Во својот дневен извештај за воените операции во регионот, министерството соопшти дека британските авиони „Тајфун“ и „Ф-35“, заедно со хеликоптерите „Вајлдкет“, продолжиле да извршуваат „одбранбени“ мисии во текот на ноќта. Летовите се одвивале над Кипар, Јордан, Бахреин, Катар и Обединетите Арапски Емирати.
Додадено е дека британските пилоти и екипажи имаат регистрирано повеќе од 1.200 часа време на летање од почетокот на конфликтот, објави „Ал Џезира“./Извор:Makfax
