Американскиот министер за одбрана, Пит Хегсет, претстави нова стратегија наречена „Голема Северна Америка“, која ја дефинира безбедносната зона на САД од Гренланд до Гвајана, односно сите територии северно од екваторот.
Тој истакна дека оваа зона претставува „непосреден безбедносен периметар“, нагласувајќи дека географските бариери како Амазон и Андите ја делат стратешката одговорност меѓу северот и југот.
Според него, САД ќе ја зајакнат воената присутност во северната хемисфера во соработка со партнерите, додека земјите јужно од екваторот ќе треба повеќе да придонесуваат за сопствената безбедност и заштита на ресурсите.
Хегсет најави и враќање на концепт сличен на стратегијата од Втората светска војна, позната како „одбрана на четвртина од сферата“./Извор:Makfax
