Доналд Трамп најави нови американски напади врз Иран, предупредувајќи дека треба „да се внимава што ќе се случи со тие пореметени гадови“. Трамп постојано нагласуваше дека САД ја добиваат војната и дека воените ресурси на Иран се значително намалени од почетокот на конфликтот.
Тој го повтори својот став во објава на платформата Truth Social, каде што напиша дека за него е „голема чест“ да ги „убие“, осврнувајќи се на членовите на иранскиот режим. Во истата објава, американскиот претседател го критикуваше The New York Times, тврдејќи дека американската војска има „неспоредлива огнева моќ, неограничена муниција и многу време“.
„Целосно го уништуваме терористичкиот режим на Иран, воено, економски и на друг начин, но ако го прочитате неуспешниот Њујорк Тајмс, погрешно би помислиле дека не победуваме. Морнарицата на Иран ја нема, нивните воздухопловни сили ги нема, ракетите, беспилотните летала и сè друго се уништуваат, а нивните лидери се збришани од лицето на земјата. Имаме неспоредлива огнева моќ, неограничена муниција и многу време – погледнете што ќе се случи со тие пореметени гадови денес. Тие убиваат невини луѓе низ целиот свет 47 години, а сега јас, како 47-ми претседател на Соединетите Американски Држави, ги убивам. Каква чест!“/Извор:Makfax
