Со исплатата на мартовската пензија, која ќе се исплаќа во април оваа година, пензиите повторно ќе бидат зголемени за 1.000 денари. Со ова последно покачување, вкупниот раст на пензиите во период од две години достигнува 7.000 денари.
Првото зголемување беше реализирано во септември 2024 година, кога пензиите беа покачени за 2.500 денари. Со ова започна серијата мерки за подобрување на животниот стандард на пензионерите.
Веќе во март 2025 година следуваше ново покачување, повторно од 2.500 денари, со што значително се зголеми месечниот приход на пензионерите.
Во септември 2025 година беше реализирано и линеарно покачување од 1.000 денари за сите пензионери.
Сепак, дел од пензионерите велат дека последното покачување од 1.000 денари не е доволно, особено поради високата инфлација и зголемените цени на храната, лековите и комуналните услуги.
Според нив, иако зголемувањата се добредојдени, растот на трошоците за живот во изминатиот период значително го намалува ефектот од овие покачувања, па дел од пензионерите сметаат дека нивниот животен стандард и понатаму останува под притисок.
