Главната обвинителка на Соединетите Американски Држави, Пам Бонди, соопшти дека венецуелскиот претседател Николас Мадуро и неговата сопруга Силија Флорес се обвинети во федералниот суд во Јужниот округ на Њујорк, при што американските претставници дополнително ги доразјасниле обвиненијата што се однесуваат на Мадуро.
Според Бонди, против Мадуро се поднесени повеќе точки на обвинение, меѓу кои заговор за извршување наркотероризам, заговор за увоз на кокаин, незаконско поседување митралези, како и поседување оружје за масовно уништување и заговор за негова употреба против Соединетите Американски Држави.
Таа изјави дека Мадуро, како што наведе, наскоро ќе се соочи со американскиот правосуден систем пред судовите во САД.
Бонди додаде дека Министерството за правда има намера да го гони „во полн капацитет“, а во таа насока му се заблагодари и на претседателот Доналд Трамп за, како што рече, неговата решеност да се обезбеди одговорност во име на американските граѓани.
Во своето обраќање, таа упати и посебна благодарност до американската војска, оценувајќи дека спровела исклучително тешка, но, според неа, многу успешна операција за апсење на двајца осомничени меѓународни трговци со дрога.
