Centar.mk
БИЗНИС

Државниот пазарен инспекторат со засилени инспекциски надзори во декември

Државниот пазарен инспекторат во текот на месец декември спроведе засилени инспекциски надзори кај угостителските објекти на територија на цела држава со цел утврдување на почитување на законските одредби од Законот за угостителска дејност и Законот за заштита од пушењето.

Во наведениот период извршени се вкупно 542 инспекциски надзори, односно 269 надзори врз основа на Законот за угостителска дејност и 273 надзори врз основа на Законот за заштита од пушењето.

При извршените инспекциски надзори кај дел од правните субјекти беа утврдени неправилности и согласно законските одредби издадени се 96 прекршочни платни налози во износ од 2.823.870,00 денари. Како резултат на утврдените прекршоци изречени се и 26 мерки – привремена забрана за вршење на дејност.

Државниот пазарен инспекторат ќе продолжи со спроведување на инспекциските надзори и во наредниот период во пресрет на празниците со цел заштита на јавниот интерес на граѓаните. Упатуваме апел до угостителите да ги почитуваат законските обврски кои се однесуваат на нивното работење.

Можеби ќе ве интересира

СВЕТСКАТА БАНКА ПРЕДУПРЕДУВА – Западен Балкан расте, но извозниците се соочуваат со сериозни пречки

ДЕСК

МАКЕДОНИЈА ПОБЛИСКУ ДО РОАМИНГ КАКО ДОМА – ЕУ започна преговори со Западен Балкан

ДЕСК

КОЈ ЌЕ ГИ ПЛАЌА ИДНИТЕ ПЕНЗИИ? – Прашањето што денес го избегнуваме, а утре може да го почувствува секое семејство

ДЕСК