СТУД ЌЕ ЈА ОКОВА МАКЕДОНИЈА, ТЕМПЕРАТУРИ ДО -10 СТЕПЕНИ: Какво ќе биде времето на новогодишната ноќ?

Во наредните денови времето ќе биде стабилно и студено со ниски утрински температури кои насекаде ќе бидат негативни и наместа ќе се спуштат до -10 степени. Преку денот ќе биде сончево со мала до умерена облачност. Ќе дува умерен до засилен ветер од северен правец.

Прогноза за 29.12.2025
Минимална температура: -9°C до -2°C
Максимална температура: 2°C до 10°C

Утрото ведро и студено, преку денот ќе биде претежно сончево. Ќе дува слаб до умерен, претпладне долж Повардарието повремено засилен ветер од северен правец.

Прогноза за 30.12.2025
Минимална температура: -10°C до -3°C
Максимална температура: 3°C до 10°C

Утрото ведро и студено, преку денот ќе биде сончево со мала до умерена облачност. Ќе дува слаб до умерен, попладне долж Повардарието повремено засилен ветер од северен правец.

Прогноза за 31.12.2025
Минимална температура: -9°C до -2°C
Максимална температура: -1°C до 6°C

Сончево и студено со мала до умерена локална облачност. Ќе дува слаб до умерен, долж Повардарието повремено засилен ветер од северен правец.