СВР Тетово поднесе кривична пријава против три лица на возраст од 25 до 44 години, сите од Тетово, поради постоење основи на сомнение за сторено кривично дело измама.
Според пријавеното, на 16.12.2024 година, осомничените со лажно прикажување на факти се обиделе да измамат полициски службеници од сообраќајната полиција. Тие претходно се договориле и во круг на автоперална на улицата Маршал Тито во Тетово фиктивно ги судриле патничките возила бмв со швајцарски национални ознаки и бмв со тетовски регистарски ознаки, со цел да наплатат осигурување од осигурително друштво.
