Украинскиот претседател Володимир Зеленски изјави, по извештајот на шефот на киевската служба за надворешно разузнавање, дека Русија и Кина преземаат чекори за интензивирање на соработката.
Зеленски рече дека чекорите вклучуваат промени од страна на Русија за отстапување на некои аспекти од својот суверенитет на Пекинг.
„Ние… забележуваме дека Кина презема чекори за интензивирање на соработката со Русија, вклучително и во воено-индустрискиот сектор“, објави тој на платформата Икс. „Партнерските разузнавачки служби имаат слични информации“.
Подоцна, во своето вечерно видео обраќање, Зеленски истакна дека извештајот, кој се фокусираше на состојбата на руската економија, открива „растечка зависност на Русија од Кина“.
„Во руската историја, никој никогаш не го предал суверенитетот на Кина или на која било друга посилна нација во таков степен“, рече тој.
„Неверојатно е колку Путин плаќа само за да избегне завршување на оваа војна. Но, светот сè уште има доволно сила да ја заврши оваа војна, да ја принуди Русија да го стори тоа“./Извор:Makfax
