Градоначалникот Горан Герасимовски, во утринската програма на МРТВ потенцираше дека Општина Центар веќе ја подготвува буџетската програма за наредната година, кадешто во текот на месец декември ќе се одржи уште еден буџетски форум.
„Ги повикувам граѓаните да даваат предлози, не само на форумот што го подготвуваме, туку и преку анкетите преку кои ќе можат да достават свои иницијативи и идеи за новата програма. Ова не е нешто што го оставаме за крајот на годината, напротив, оваа програма ја пишувавме последните шест месеци заедно со граѓаните, преку маалски средби, разговори, дискусии. Како и претходните четири години, така и во наредните, продолжуваме со секојдневната интеракција со граѓаните. Секој вторник и четврток тие можат да дојдат во општината, да се информираат, разговараат со службите, да дадат свое мислење или барање“, истакна Герасимовски.
