Вработен во ЕВН физички нападнат додека работел во Горно Нерези

На 26.11.2025 во 14:30 часот во СВР Скопје, од Градската општа болница 8 Септември е пријавено дека кај нив со повреда бил донесен 50-годишен жител на селото Матка.

Според пријавеното, тој околу 11:00 часот во селото Горно Нерези, скопско, додека извршувал работни задачи како вработен во ЕВН, бил физички нападнат од едно лице кое употребило тврди предмети. Се преземаат мерки за расчистување на случајот.