Ноќна акција кај Струга! Уапсен Албанец кој нелегално ја преминал границата!

Албански државјанин е приведен во шумскиот појас кај месноста „Добра Вода“, откако нелегално ја преминал македонско-албанската државна граница и остварил нелегален престој во земјата.

Настанот се случил на 22.11.2025 година, околу 01:45 часот, кога полициски службеници од Полициската станица за граничен надзор „Франгово“ го затекнале и привеле лицето во близина на регионалниот пат Струга – Ќафасан.

Лицето било затекнато во нелегален престој и со тоа сторило прекршок согласно член 147 од Законот за странци. По целосното документирање на случајот, ќе биде поднесена соодветна пријава.