Претседателот на СДСМ, Венко Филипче, на денешната прес-конференција најави дека вечерва ќе се одржи состанок на Извршниот одбор.
„Сакам да најавам дека на потпретседателската позиција ќе го номинирам докторот Александар Трајановски, кој моментално е член на извршниот одбор, исклучително посетен човек на партијата, човек кој има одлична кампања, влече многу внимание и сметам дека ова ќе биде значајно кадровско зајакнување на ова ниво на партијата“, потенцираше Филипче.
Тој информираше дека на Извршниот одбор ќе бидат соопштени и други кадровските и политички промени во СДСМ.
„Како што реков и претходно, внимателно одиме низ свој процес. Барам трпение од членовите и симпатизерите“, додаде Филипче.
Филипче најави дека јавноста навремено ќе биде информирана за сите следни чекори што ќе произлезат од внатрепартиските процеси.
ПОПУЛАРНО НА ИНТЕРНЕТ...
