Управата за јавни приходи (УЈП) ја објави Листата на должници бр. 11/2025, на која се најдоа вкупно 6.041 обврзник.
Од нив, 2.024 се правни лица, што е за 17 помалку од претходната листа, а 4.017 се физички лица, што е за 24 повеќе во споредба со претходниот месец.
Вкупниот објавен нето-долг изнесува 12.061.408.674 денари, што претставува намалување од 155.920.964 денари во однос на претходната листа на должници.
Најголемиот дел од долгот се однесува на даноци и придонеси, кои изнесуваат 11.892.002.551 денари, односно 166.708.561 денар помалку во однос на минатиот извештај.
Во делот на царинските давачки, забележано е зголемување од 10.787.597 денари, со што вкупниот износ достигна 169.406.123 денари.
ПОПУЛАРНО НА ИНТЕРНЕТ...
