Неколку десетици лица се повредени и хоспитализирани по експлозија што се случила овој петок за време на молитва во џамија во образовен комплекс во индонезиската престолнина, соопшти полицијата.
Властите ја истражуваат причината за експлозијата во Келапа Гадинг, во северниот дел на Џакарта, изјави шефот на полицијата, Асеп Еди Сухер.
Во болница се примени 54 лица, пренесе Сухер, додавајќи дека повредите се со разна тежина – од полесни до потешки, вклучувајќи сериозни изгореници.
Телевизиските канали „Компас ТВ“ и „Метро ТВ“ прикажаа снимки на полициски сили и итна помош околу училишниот комплекс. На снимките од џамијата не се забележува значителна штета на објектот./Извор:Makfax
ПОПУЛАРНО НА ИНТЕРНЕТ...
