Почна изборниот процес за вториот круг на Локалните избори.
На ниво на Македонија до 9 часот гласале 2.88 проценти од гласачите, односно вкупно 22.379 гласачи, додека на ниво на Град Скопје одзивот е 2.46 отсто.
Од ДИК посочија дека гласачките места се навреме отворени и дека гласањето тече во најдобар ред, без проблеми со изборниот материјал.
Сепак во избирачко место во Дојран имало проблем со смарт картица на уред за биометриска идентификација, но проблемот е решен по кратко време.
Во вториот круг на локалните избори граѓаните гласаат за градоначалници во 32 општини и во Градот Скопје на 1771 избирачки места.
Гласањето завршува во 19 часот, до кога своето право можат да го искористат 1 013 375 гласачи, меѓу кои и 474 304 граѓани во Градот Скопје.
ПОПУЛАРНО НА ИНТЕРНЕТ...
