Во Крива Паланка повторно ќе славиме победа и тоа уште во првиот круг, порача претседателот на Социјалдемократскиот сојуз на Македонија, д-р Венко Филипче, на вечерашната граѓанска трибина „Се бориме за нашиот дом“, што се одржа во Крива Паланка.
Во обраќањето пред граѓаните, Филипче истакна дека Крива Паланка е една од најубавите општини во државата и тоа благодарение на посветената работа на градоначалникот на СДСМ и неговиот тим.
„За резултатот на Сашко во Крива Паланка јас вечерва нема зборувам. Вие тоа го знаете многу добро, се гледа на секоја страна во Крива Паланка, каде и да се заврти човек, делата зборуваат гласно. Овде се работело, а граѓаните тоа го гледат, го живеат секој ден. Затоа, нашата борба за Крива Паланка ќе продолжи со нов мандат, со победа на СДСМ и коалицијата и на советничките листи“, рече Филипче.
Тој додаде дека овие локални избори се борба за секоја општина, за секој граѓанин, за секој дом, а гласот за бројот 5 е глас за промена, за напредок, за подобра иднина.
„Ова е борба за Крива Паланка, но ова е и борба за секое населено место, секое семејство, секој човек, ова е борба за Македонија, за нашиот дом. Вашата сила е во гласањето. Ве повикувам да ја покажете таа ваша сила во недела! Со масовно излегување на гласачките места. Со вашиот глас да пратите силна порака за вистинска промена.Затоа што на Македонија ѝ се потребни промени“, порача претседателот на СДСМ, Венко Филипче.
