Во недела да излеземе масовно на гласање, да ја подигнеме партијата, да покажеме дека СДСМ е тука, дека СДСМ е силен и дека падот на ВМРО-ДПМНЕ започнува веќе од понеделник, порача Претседателот на Социјалдемократскиот сојуз на Македонија, д-р Венко Филипче, на вечерашната граѓанска трибина „Се бориме за нашиот дом“, што се одржа во Куманово.
„Во недела влегуваме во силна борба. И таа борба ќе ја водиме со главата горе, со гордост што сме наследници на асномската идеја за слободна, праведна и солидарна Македонија. Ова не е време за апатија, ниту за дистанца. Ова е време на одлука. Или ќе го собереме јадрото и ќе ја браниме куќата што ја градиме со децении, или ќе гледаме како таа куќа се руши цигла по цигла, а ние остануваме без дом и без иднина“, рече Филипче.
Во обраќањето пред граѓаните, Филипче истакна СДСМ влегува во оваа битка исправено затоа што има исправни и искрени политики и затоа што на секој проблем што ги тишти граѓаните понудивме решение.
„СДСМ понуди решенија и реални мерки за платите, за цените, за пензиите, за реформите, за европската перспектива. Ништо не прифатија затоа што тоа не ги интересира. Ги интересираат само бизнисите, фирмите во Бугарија и луксузот кој го уживаат во власта.Влегуваме исправено затоа што ја кажувавме вистината која власта сакаше да ја скрие за сите скандали и трагедии“, рече Филипче.
Тој додаде дека СДСМ цврсто ги бранеше и промовираше вредностите врз кои почива државата и тоа е суштинската разлика помеѓу СДСМ и другите партии.
„Се боревме и ќе продолжиме да се бориме за Македонија која е победник, а не жртва. Затоа во недела, гласаме со разум, гласаме со срце, гласаме со вера дека оваа земја може подобро – и дека тоа подобро почнува од нас. Гласаме за Македонија, гласаме за Куманово, гласаме за промени и силен СДСМ“, потенцираше претседателот на СДСМ, Венко Филипче.
