Изјава за медиуми, Влатко Митовски, кандидат за градоначалник на Гази Баба:
денес сме во селото Булачани, место кое со години се соочува со проблем со водоснабдувањето, недоволен доток на вода и застарена инфраструктура. Овие проблеми конечно ќе ги решиме системски и трајно.
Во мојот мандат ќе изградиме две нови бушотини за вода со кои значително ќе се зголеми дотокот и капацитетот на водата. Паралелно, ќе се изврши уредување и оградување на сите каптажи и нивно прогласување за заштитено подрачје, со цел да се обезбеди чиста и безбедна питка вода за сите жители.
Ќе следи санација на резервоарите за вода и целосна реконструкција на водоводната линија 1 во должина од 5 километри, со што ќе се реши еден од најстарите проблеми на Булачани.
Покрај тоа, ќе се пристапи и кон изградба на целосна фекална канализација – нешто што ова населено место одамна го заслужува.
Булачани ќе добие и реновиран културен дом, асфалтирана улица број 3, а куќите на оваа улица ќе бидат директно поврзани на водоводната линија преку хидрофорни пумпи.
И на крај, на местото викано Банево Гумно ќе изградиме видиковец со урбана опрема, кој ќе прерасне во ново бележје на селото и место за дружење, одмор и гордост на сите жители на Булачани.
