На 10 октомври 2025 година, во Europe House Скопје и онлајн, се одржа конференцијата „Beyond Digits – Финансиска писменост за инклузија“, организирана од ЦЕФЕ Македонија во рамките на проектот Beyond Digits, ко-финансиран од Еразмус+. Настанот обедини 70 учесници од едукативни институции, невладини организации, финансиски експерти и семејства на лица со попреченост.
Конференцијата ја отвори модераторката Весна Ефремова, која ја нагласи важноста на финансиската писменост како основно право за секого. Јован Сталевски, претседател на ЦЕФЕ Македонија и проект менаџер, го означи официјалниот старт и ги претстави резултатите и новите алатки од проектот, потенцирајќи ја посветеноста за инклузивни решенија во финансиското образование.
На панел-дискусијата „Најдобри практики во финансиската писменост“ беа претставени иновативни дигитални алатки и програми дизајнирани за лица со развојни и интелектуални попречености и беа споделени искуства и примери од Македонија и Европа. Меѓу говорниците беа Кристина Краличин Павлеска од Народната банка, Маргарита Гулевска од „Отворете ги прозорците“, Елена Гагачева од ЦЕФЕ Македонија и Марија Делетиќ од „Златен Сремец“, кои единствено истакнаа дека финансиската писменост треба да биде достапна за сите.
Во текот на конференцијата беа понудени препораки за подобра меѓусекторска соработка и развој на политики во областа на финансиската инклузија, со заклучок дека секоја институција и заедница треба активно да придонесува кон достапност и инклузивност во финансиското образование.
ЦЕФЕ Македонија упатува благодарност до сите учесници, партнери и говорници за инспирацијата и активниот придонес за успехот на конференцијата.
