7. октомври 2025
Centar.mk – Вести, бизнис, забава, спорт…
РЕГИОН

Во Црна Гора, армијата гаси пожари: се преврте цистерна, загина војник

Припадник на црногорската армија загинал кога воена цистерна за вода се превртела на патот, дознава порталот ЦдМ. Друг војник е тешко повреден и префрлен во Клиничкиот центар на Црна Гора.

Несреќата се случила околу 13 часот.

„Еден припадник на црногорската армија загинал, а друг се здобил со тешки повреди за време на мисија за гаснење пожари. Несреќата се случила кога цистерната за вода што ја возеле се превртела“, соопшти Министерството за одбрана.

Црногорската армија, во соработка со надлежните органи, спроведува истрага за да ги утврди причините и околностите на несреќата.

Во Црна Гора моментално има активни пожари во шест општини, во Подгорица, Бар, Будва, Никшиќ, Шавник и Бијело Поље, изјави Миодраг Бешовиќ, генерален директор на Дирекцијата за заштита и спасување.

Четири авиони моментално се борат со пожарите, а се очекува наскоро да пристигне и канадер од Хрватска за да ги гаси пожарите на крајбрежјето. Хеликоптер од Србија исто така е ангажиран во гаснењето на пожарите./Извор:Makfax

Можеби ќе ве интересира

Трагедија во Србија: се преврте чамец во Дунав, има жртви

C +

Трагедија во Хрватска: маж почина од убоди на стршлени додека сечел дрва за огрев

C +

Четворица загинати во сообраќајна несреќа во Хрватска: нуркачите ги извлекоа телата од море, автомобилот бил изнајмен на аеродром

C +