6. октомври 2025
Centar.mk – Вести, бизнис, забава, спорт…
azir aliu
-МАКЕДОНИЈА

Алиу: Реновирана Клиниката за урологија, воведени две нови хируршки методи, во фаза на реновирање е Центарот за трансплантација

Министерот за здравство, Азир Алиу заедно со претседателот на Владата, Христијан Мицкоски, денес ја посетија Клиниката за урологија, по повод извршена реконструкција на оваа установа.

– Продолжуваме со уште една клиника, тука сме денеска на Клиниката за урологија, која инфраструктурно изгледа според сите европски стандарди. Исто така, од техничка гледна точка инфраструктурата, технологиите и методологиите се во склад со потребите на пациентите и со европските протоколи. Чекор по чекор, здравството е се поблиску до секој граѓанин. Чекор по чекор здравството станува европско и се надевам дека за кратко време ќе презентираме и други клиники, и друга инфраструктура. Овде, покрај нова инфраструктура, веќе се вработени 20 стручни лица кои ќе бидат дел од клиниката, посочи министерот Алиу при посетата.

Директорот на Клиниката за урологија, д-р Башким Шабани истакна дека станува збор за инвестиција во вредност околу 300 илјади евра наменета за реновирање на клиниката.
-Воведовме и две нови хируршки методи, со што ние практично нема да имаме потреба да праќаме пациенти за лекување во странство.
Сега сме во фаза на реновирање на Центарот за трансплантација, како и на Центарот за калкулоза за третман на уринарни камења, заклучи д-р Шабани.

фото Министерство за здравство

Можеби ќе ве интересира

СЕ ОГЛАСИ ЗОРАН ЗАЕВ КОЈ ИСПРАТИ ПОРАКА ДО МИЦКОСКИ: Небулози, клевети и навреди се методите на Мицкоски со кои сака да се оправда за катастрофата која и ја нанесува на целата држава!

ДЕСК

Исчезнаа неколку лица од Скопје во различни случаи – Полицијата трага по нив

ДЕСК

ВРЕМЕТО ЗНАЧИТЕЛНО СЕ МЕНУВА, СИНОПТИЧАРИТЕ СО НАЈНОВА ПРОГНОЗА – Детални податоци за следните 4 дена

ДЕСК