Демократската Унија за Интеграција најостро го осудува исклучувањето на Албанците и другите заедници од последниот процес на вработување во Армијата и Министерството за одбрана на Република Северна Македонија.
Од 74 нововработени:
71 се Македонци,
2 се од ромската заедница,
само 1 е Албанец,
ниту еден од другите заедници.
Ова не е само неправда! Ова е спроведување на систематски план за исклучување на Албанците и другите не-мнозински заедници од безбедносните институции, Армијата на државата, државната и јавната администрација.
Овој потег е сериозно кршење на Уставот и на уставната вредност на правична и соодветна застапеност, како што е гарантирано со правниот поредок на Република Северна Македонија.
Ова е алармантно. Бројките се застрашувачки. Ова деградирање и рушење на уставните вредности добива алармантни размери.
По деградирањето на единствениот албански генерал кој ги исполнуваше сите услови да го води Генералштабот на Армијата, систематското исклучување продолжува во официјална и институционална форма.
Ова е директен напад врз духот на Охридскиот договор, врз уставниот поредок и врз мултиетничкиот карактер на државата.
Каде е правичната и соодветна застапеност?
Каде е еднаквоста гарантирана со закон и Устав?
Зошто Албанците систематски се држат надвор од клучните институции на државата?
ДУИ нема да молчи пред неправдите.
ДУИ нема да стои со скрстени раце додека Албанците се исклучуваат и понижуваат.
Ние бараме:
• Итна истрага за овој скандалозен конкурс.
• Преземање одговорност од надлежните функционери во Министерството за одбрана.
• Бескомпромисна примена на правичната и соодветна застапеност во сите државни институции, вклучително и во безбедносните институции.
Државата не може да се гради врз основа на исклучување.
Државата не може да функционира без сите заедници.
Ова е реалноста што мора да се прифати, во спротивно, последиците ќе ги почувствува самата општествена кохезија.
