Пукање во Скопје и скопско на неколку локации, заталкани зрна удриле во кола и куќа, но и пред човек кој слушнал истрели

На 03.08.2025 во 13:15 часот во Полициската станица Гази Баба, Д.Т.(55) од Скопје пријавила дека на 02.08.2025 околу 02:00 часот во својот дом на подрачјето Гази Баба забележала дека ѕидот од една од просториите бил оштетен од заталкано зрно од огнено оружје. Се преземаат мерки за расчистување на случајот.

На 03.08.2025 во 17:30 часот во Полициската станица Гази Баба, А.Х.(24) од с.Сингелиќ, скопско, пријавил дека во 15:10 часот во дворот од неговата куќа во селото забележал дека ветробранското стакло од неговото паркирано возило било оштетено од заталкано зрно од огнено оружје. Се преземаат мерки за расчистување на случајот.

На 03.08.2025 во 19:52 часот во СВР Скопје, Д.С.(52) од Скопје пријавил дека околу 19:40 часот на подрачјето на Драчево, слушнал истрели и пред него паднало заталкано зрно од огнено оружје. Се преземаат мерки за расчистување на случајот.