2. август 2025
Centar.mk – Вести, бизнис, забава, спорт…
СВЕТ

Германија ќе испорача два нови ракетни системи „Патриот“ на Украина

Германија соопшти дека ќе испорача два ракетни системи за противвоздушна одбрана „Патриот“ на Украина, по договорот со САД дека Берлин ќе биде првиот што ќе ја добие најновата верзија на тој систем за возврат.

Благодарение на вклучувањето на САД, „Германија првично ќе ја поддржи Украина со лансери, а потоа и со дополнителни компоненти на системот „Патриот“, изјави германскиот министер за одбрана Борис Писториус.

Бундесверот наскоро ќе испорача лансери „Патриот“ на Украина, а ќе испорача дополнителни компоненти во следните два до три месеци.

За возврат, Германија ќе ја добие најновата верзија на системот „Патриот“ од САД по забрзана постапка.

Ова лето, Русија ги засили воздушните напади врз Украина, на која сега итно ѝ се потребни системи за противвоздушна одбрана. Системите „Патриот“ се покажаа ефикасни во соборувањето на руските балистички ракети.

Германија досега испорача три системи „Патриот“ на Украина. Берлин тврди дека испраќањето дополнителни системи нема да влијае на нивниот придонес кон западниот одбранбен сојуз – НАТО.

Украинскиот претседател Володимир Зеленски пред една недела изјави дека Украина работи на обезбедување на испораката на десет противвоздушни системи „Патриот“ и дека е важно системите веднаш да пристигнат со ракетите./Извор:Makfax

Можеби ќе ве интересира

Мухамед е најпопуларното име за момчиња во Англија, втора година по ред

C +

Франција почна со достава на хуманитарна помош од воздух во Газа

C +

Рубио за Путин: Трамп нема да чека вечно

C +