1. август 2025
Centar.mk – Вести, бизнис, забава, спорт…
БИЗНИС

Индустриското производство во јуни 2025 година е зголемено за само 0.5 % во однос на јуни 2024 година

Индустриското производство во секторот Рударство и вадење на камен во јуни 2025 година, во однос на јуни 2024 година, бележи пораст од 6.9 %, во секторот Преработувачка индустрија бележи пораст од 2.0 %, а во секторот Снабдување со електрична енергија, гас, пареа и климатизација опаѓање од 29.3 %, информира Државниот Завод за Статистика.

Зголемувањето во секторот Преработувачка индустрија е резултат, пред сѐ, на зголеменото производство во следните оддели:
– Производство на прехранбени производи,
– Производство на тутунски производи,
– Производство на текстил,
– Производство на хартија и производи од хартија,
– Производство на хемикалии и хемиски производи,
– Производство на основни фармацевтски производи и фармацевтски препарати,
– Производство на производи од гума и производи од пластични маси,
– Производство на електрична опрема,
– Производство на моторни возила, приколки и полуприколки и
– Производство на мебел.

Според главните индустриски групи, производството во јуни 2025 година, во однос на јуни
2024 година, бележи пораст кај Интермедијарни производи, освен енергија за 4.6 %, Капитални производи за 2.0 % и Нетрајни производи за широка потрошувачка за 1.9 %, додека опаѓање бележи кај Енергија за 24.4 % и Трајни производи за широка потрошувачка за 4.3 %.

Индустриското производство во периодот јануари – јуни 2025 година, во однос на периодот јануари – јуни 2024 година, е зголемено за 2.8 %.

Главни поенти
Најголемо влијание во порастот на индустриското производство во јуни 2025 година, во однос на јуни 2024 година, имаат одделите:

Производство на прехранбени производи со 9.8 %
Производство на електрична опрема со 16.1 %
Производство на моторни возила, приколки и полуприколки со 7.0 %

Можеби ќе ве интересира

Стабилни резултати во првата половина од годината како резултат на стратешкиот и таргетиран одговор на трендовите на енергетскиот пазар

ДЕСК

Во јуни 2025 година, во однос на истиот месец од претходната година, реалната стапка на прометот во групата Трговија на мало со храна, пијалаци и тутун е зголемена за 22.5 %

ДЕСК

Дурмиши: Го враќаме инклузивниот дијалог и поставуваме реална основа за социјални и економскиполитики

ДЕСК