На 28.07.2025 во 14.30 часот, полициски службеници од Одделението за криминалистичка полиција Велес го лишија од слобода лице(25) од село Бузалково, велешко. При претрес во неговиот дом, извршен со судска наредба, биле пронајдени и одземени пиштол „Црвена застава“, пиштол „АГ-9“ и 100 парчиња огномет.
Исто така, тој се сомничи дека претходниот ден во село Горно Оризари, велешко, додека се движел со патничко возило „фолксваген голф“ со велешки регистарски ознаки, преку отворен прозор испукал еден истрел со пиштол.
Мажот е приведен во полициска станица, известен е јавен обвинител и по документирање на настаните ќе бидат поднесени соодветни пријави.
