Како што соопшти Владата денеска во 11:00 часот претседателот на Владата на Република Северна Македонија, Христијан Мицкоски ќе присуствува на свечено отворање на базен од затворен тип кој се наоѓа во состав на ООУ „Невена Георгиева- Дуња“ во општина Кисела Вода.
Базенот во општина Кисела Вода е еден од петте базени (другите четири се во: општина Ѓорче Петров, Кичево, Битола и Штип), кои беа почнати од страна на поранешната Агенција за млади и спорт во 2020 година и беа оставени недовршени со реализација од околу 20%.
По откочувањето на процесот за изградба од страна на Министерството за спорт, базенот во општина Кисела Вода е завршен во рок од 6 месеци, а изградбата на останатите четири базени е во завршна фаза и тие треба да бидат пуштени во употреба до крајот на летото. Цената на чинење на базенот во Кисела Вода изнесува 46.551.713 денари, информираат од владината прес служба.
НАЈЧИТАНО НА ИНТЕРНЕТ...
