Во текот на изминатото деноноќие (26/27 јули 2025), на територијата на Македонија биле евидентирани вкупно 33 пожари на отворен простор, информира Центарот за управување со кризи (ЦУК). Од нив, 12 пожари сè уште се активни, 5 се ставени под контрола, додека 16 се целосно изгаснати.
Активни пожари (12 локации):
Регионот на Василево, Радовиш и Берово – пожар во с. Нивичино, во подножјето на Голем Готен и Малешевските планини, каде што гори нискостеблеста шума, смрека и ниска вегетација.
Прилеп 1 – пожар околу с. Бешиште се шири кон с. Градешница (Новаци) и дел кон граничната линија со Грција.
Прилеп 2 – активен е крак кон с. Дрен, проширен кон с. Галиште (Кавадарци), додека делот меѓу Царевиќ и Смолани е ставен под контрола.
Македонски Брод – помеѓу Црешево, Локвица и Крапа гори деградирана дабова шума и ниска вегетација.
Желино – пожар меѓу селата Церово и Групчин зафаќа деградирана шума.
Петровец – активен пожар кај селото Средно Коњаре, покрај реката Пчиња.
Зелениково – опожарено е подрачјето околу селото Гумалево.
Крива Паланка – во с. Нерав гори висока борова шума.
Старо Нагоричане / Куманово – во близина на селата Облавце, Бељаковце, Довезенце и Јачинце гори ниска вегетација.
Старо Нагоричане – втор пожар активен кај с. Руѓинце.
Василево 1 – активен пожар во с. Сушево, со горење на грмушки и ниска вегетација.
Василево 2 – слична состојба во с. Добрашинци.
Пожари под контрола (5 локации):
Македонски Брод 1 – во селото Грешница е стабилизиран пожар што зафати мешана шума и сува трева.
Македонски Брод 2 – контролирана е ситуацијата во с. Латово.
Струмица – пожар кај селото Баница и населбата Софилари е ставен под контрола.
Карбинци – стабилизиран е пожарот кај с. Јунузлија.
Штип – во реонот меѓу селата Драгоево и Селце пожарот е под контрола.
