Центарот за управување со кризи (ЦУК) информира дека заклучно со 08:00 часот на 16 јули 2025 година, во земјата се евидентирани вкупно 21 пожар на отворен простор. Од нив, два се уште се активни, еден е ставен под контрола, а 18 пожари се целосно изгаснати.
Според податоците, активни пожари има во општините Велес и Македонски Брод.
Во општина Велес, пожарот се проширил кај селата Џидимирци, Крушје и Иванковци, каде што гори мешана шума. Екипите на терен работат на негово локализирање и спречување на понатамошно ширење.
Вториот активен пожар е регистриран во општина Македонски Брод, помеѓу селата Црешнево, Локвица, Крапа и Слатина. Таму гори деградирана дабова шума, како и ниска вегетација и грмушки.
ПОПУЛАРНО НА ИНТЕРНЕТ...
