Centar.mk – Вести, бизнис, забава, спорт…
-МАКЕДОНИЈА

Средба на претседателката Сиљановска-Давкова со гувернерот на Народната банка, Славески

Претседателката Гордана Сиљановска-Давковa денеска оствари прва работна средба со гувернерот на Народната банка, Трајко Славески, на којашто се разговараше за актуелните економски и монетарни состојби во земјата и важноста на стабилна и независна централна банка за долгорочниот економски развој.

Претседателката Сиљановска-Давкова беше информирана за монетарната политика, стабилноста на девизниот курс, инфлациските текови и состојбите во банкарскиот систем.

Таа ја истакна важноста на унапредувањето на меѓуинституционалната соработка и координацијата на економските политики со цел одржување на макроекономската стабилност и поттикнување на инвестициите и растот.

Гувернерот Славески ја нагласи определбата на Народната банка за проактивно следење на глобалните и домашните економски движења и приспособување на политиките со цел зачувување на стабилноста и довербата во финансискиот систем.

На средбата беше заклучено дека одржувањето на стабилните и претпазливи политики и конструктивниот дијалог меѓу институциите се основа за натамошен економски напредок на државата.

Можеби ќе ве интересира

Утревечер посебен режим на сообраќај во Скопје

ДЕСК

МПЦ ја погреши годината за вториот Илинден, во годинашното Илинденско послание наместо 1944 се наведува 1941-ва година

ДЕСК

Загрижувачки податоци: Над 11 илјади ДДВ обврзници или не поднеле ДДВ пријави или не го платиле данокот кон државата

ДЕСК