Centar.mk – Вести, бизнис, забава, спорт…
ЛОКАЛНОвест

Герасимовски: „Центарска симфонија” ги сплоти скопјани, Тарабунов и граѓаните пееја и танцуваа на најпознатите филмски евергрини

„Центарска симфонија“ синоќа ги сплоти скопјани. Со македонска и светска филмска музика изведена од музичката ѕвезда Александар Тарабунов и камерниот оркестар, граѓаните уживаа во оваа културна манифестација којашто за првпат ја организираше Општина Центар.

Градоначалникот Горан Герасимовски упатува благодарност до сите центарци, но и жители на Градот Скопје кои вчера вечер дојдоа и уживаа во најпознатите мелодии од македонската и светската кинематографија како „Исправи се Делфина“, „Каде песно моја“, „До Балчак“, „Beautiful Maria of my Soul“ и многу други. На „Центарска симфонија“, беше изведена и новата песна на Тарабунов „Заедно“ со камерниот оркестар.

„Центар останува место за најубавите културни настани. Среќен сум што синоќа ‘Центарска симфонија’ ги сплоти скопјани на Плочникот кај Градски ѕид. Сите во еден глас ги пееа најубавите филмски мелодии, уживаа во добра музика и се забавуваа. Оваа манифестација е новина и останува традиција. Не застануваме тука, летово ќе имаме уште многу настани во делот на културата и за истите ќе бидете навремено информирани. Ви благодарам на сите коишто дојдовте и заеднички уживавме“, рече Герасимовски.

Можеби ќе ве интересира

Прилеп вечерва е во мрак – Голем дефект на далновод

ДЕСК

Заеднички проект на Министерството за здравство и општина Гази Баба – по шест децении ќе се гради нова амбуланта во Автокоманда

ДЕСК

Герасимовски го посети штандот на ЈП „Паркинзи на Општина Центар“: Информативни табли со QR-код за брзо плаќање

ДЕСК