Детската градинка „Гоце Делчев“ од општина Илинден со свечена завршна приредба испрати уште една генерација дечиња кон ново животно поглавје – првото одделение. Идните првачиња преку драмски претстави, песна и танц им се заблагодарија на своите воспитувачки за љубовта, трпението и знаењата стекнати во градинката.
На настанот присуствуваше и градоначалникот на општина Илинден, Александар Георгиевски, кој упати искрена благодарност до сите воспитувачи и вработени во градинката за нивната посветена работа. Тој на идните ученици им посака многу успех, радост и знаење во училишните денови.
Во магична атмосфера, збогатена со впечатлива сценографија и шарени костими, дечињата ја поведоа публиката низ музичко и емотивно патување. Публиката, воодушевена од нивниот настап, ги поздрави со бурен аплауз и топли емоции.
