-Како е можно фирма основана 20 дена пред распишување на тендер, без седиште, вработени, без искуство, без капацитет, баш таква фирма да добие тендер вреден 4 милиони евра? Освен со корупција, бизнис врски и лични интереси понинаку дали е возможно? – прашуваат од СДСМ.
„Кога фантомски фирми добиваат милионски бизниси тоа е основа за системска корупција во врвот на власта.
Смрди на корупција. И тоа во институција којашто треба да се бори против корупцијата а не да биде извор.
За скандалозниот тендер во МВР институциите не може да бидат неми следачи туку мора да отворат постапки согласно своите надлежности.
Панче Тошковски е фатен жив.
Оновното Јавно обвинителство и Државната комисија за спречување корупција мора да постапат и да го заштитат јавниот интерес, да ја обезбедат правдата а скандалозниот тендер мора да биде поништен.
СДСМ ќе продолжи да ја разоткрива секоја сомнителна зделка на оваа корумпирана власт. Одговорност мора да има!“ – се вели во днешното соопштение на СДСМ.
ПОПУЛАРНО НА ИНТЕРНЕТ...
