Трајко Славески да биде именуван гувернер на НБРМ – неговиот потпис ќе стои на македонскиот денар

Претседателката Сиљановска-Давкова го достави предлогот за гувернер на Народната банка, соопштија од Претседателскиот кабинет.

– Ве информираме дека претседателката Гордана Сиљановска-Давкова до Собранието го достави предлогот проф. д-р Трајко Славески да биде именуван за гувернер на Народната банка.

При донесувањето на одлуката, Претседателката се водеше од стручноста и компетентноста, дигнитетот и интегритетот, како и реалната можност за именување на кандидатот.

Би сакале да потенцираме дека изборот беше тежок, со оглед на докажаниот квалитет на сите кандидати, велат од Претседателскиот кабинет.