11. октомври 2025
Centar.mk – Вести, бизнис, забава, спорт…
МАКЕДОНИЈА

Клековски: На пациент во Солун му е извршена трансплантација на кожа на рацете, во контакт сме со банка за кожни ткива за да почнат реконструктивни операции

Директорот на Фондот за здравствено осигурување (ФЗО), Сашо Клековски, на денешната прес-конференција во Владата рече дека натамошните фази за пациентите со поголем степен на изгореници се високоспецифични и бараат специфично искуство и затоа се решиле да се праќаат пациенти во странство.

„На еден пациент во Солун веќе му е извршена трансплантација на кожа на рацете. Веќе сме во контакт со фондација од Холандија, која има банка на кожни графтови, за да ги донесеме во Македонија и да почнеме да ја размислуваме реконструктивната фаза“, рече Клековски.

Директорот на Градската општа болница (ГОБ) „8 Септември“, д-р Синиша Стојаноски, соопшти дека неколку тимови странски лекари, кои доаѓаат од центри што се строго специјализирани за пациенти што имаат најголем процент и највисок степен на изгореници, како доктори од Воено-медицинската академија (ВМА) во Белград, од болницата „Шеба“ во Израел и од Чешка, веќе работат во ГОБ на санирање на повредите на оние пациенти што не се критични и кои веќе имаат потреба од дебридман и подготовка за следната фаза – реконструктивна хирургија.

„Тоа се операции што подразбираат отстранување на она изумрено ткиво, оштетено од изгорениците и давање простор тие повреди, тие рани да почнат да зацелуваат. Овие неколку дена не само што се следеше потенцијалното влошување на состојбата туку мораше паралелно да се санираат и повредите“, рече директорот на „8 Септември“./Извор:Makfax

Можеби ќе ве интересира

Каква е состојбата на патиштата?

ДЕСК

Синоптичарите излегоа со прогноза – Следува значителна промена на времето, по сонцето доаѓа дожд и заладување

ДЕСК

СДСМ: Во очајнички обид да се злоупотреби трагедијата во Кочани, ВМРО-ДПМНЕ потврди дека функционерите на СДСМ доследно работеле по закон

C +
error: Соддржината е заштитена.