Лимани: Трагедијата во Кочани ги потресе срцата на сите нас, сочувство до семејствата на загинатите

Градоначалникот на Гостивар, Валбон Лимани, изрази сочувство по тешката трагедија што се случи во Кочани. Тој ја изрази својата длабока болка за загинатите и нивните семејства, молејќи му се на Бога да им даде сила и да им ја олесни болката. Исто така, на повредените од овој трагичен настан им посака брзо и целосно закрепнување.

„Трагедијата во Кочани ги потресе срцата на сите нас. Сочувство до семејствата на жртвите! Нека Бог им ја олесни болката што ја чувствуваат! Брзо и целосно закрепнување за повредените!“, напиша Лимани на својот профил на Facebook.