Соопштение на СДСМ:
Покрај сите критики од граѓаните за поведението на Бране Петрушевски, кој во име на Мицкоски и ДПМНЕ е на браникот против работниците и покачувањето на платите, тој не престанува со секојдневни прес-конференции, со кои на секој можен начин се бори платите да не пораснат.
Петрушевски докажа дека нема дно кое не може да се пробие кога е во прашање борбата против работниците, нивните права и растот на платите.
Додека Петрушевски ужива во плата од неколку илјади евра и уште толку патни трошоци, додека јаде папаја и манго и се вози во приватни авиони со неговиот шеф Мицкоски, жолчно се бори граѓаните да не добијат покачување на платите. Очигледно, парите ги заслужува само тој и функционерите од ДПМНЕ, додека сите други треба да се борат за опстанок.
Страшно е што за само девет месеци власт, ДПМНЕ го достигна плафонот со ароганција и потценување на граѓаните, грижејќи се само за своите интереси. Неспособното ДПМНЕ прво ги остави трговците да ги ограбат граѓаните, потоа истото им го дозволи со струјата и парното, за на крајот да се бори и против покачување на платите.
