1. август 2025
Centar.mk – Вести, бизнис, забава, спорт…
СВЕТ

Запален танкер во Северното Море, погоден од контејнерски брод

Tанкер со нафта и товарен брод утрово се судрија во Северното Море, при што танкерот избувна во пламен.

Несреќата се случила во близина на брегот на Источен Јоркшир, а алармот бил вклучен во 9.48 часот по локално време.

Крајбрежната стража веднаш почна голема спасувачка операција со чамци и хеликоптер. Покрај нив, на местото на судирот биле испратени и авион на крајбрежната стража и блиски бродови.

Крајбрежната стража во соопштение за печатот соопшти дека инцидентот сè уште трае. Според неофицијални информации, контејнерскиот брод „МВ Солонг“ удрил во нафтениот танкер „МВ Стена Имакул“, кој бил закотвен.

Според информациите што ги објави Би-би-си, танкерот е во пламен. Противпожарните екипи на море работат на локализирање на пожарот, а спасувачите ја координираат операцијата на самото место.

Засега нема информации за жртви или евентуално загадување на морето./Извор:Makfax

Можеби ќе ве интересира

Забележана рекордна молња, во должина од Париз до Венеција

C +

Од топлотен бран до бури: силно невреме во Солун и на Халкидик

C +

САД воведоа санкции врз палестински функционери

C +